کامیاب جوان پروگرام کا جائزہ اجلاس،سٹیرنگ کمیٹی قائم کرنے کا فیصلہ نوجوان ملکی معیشت کے فروغ میں بہترین کردار ادا کر سکتے ہیں، وزیراعظم

download-2020-10-10T203444.716.jpg

اسلام آباد (آئی ا ین پی ) وزیراعظم عمران خان کی زیر صدارت کامیاب جوان پروگرام سے متعلق جائزہ اجلاس میں ڈپٹی گورنر اسٹیٹ بینک کی زیر صدارت اعلی سطح کی اسٹیرنگ کمیٹی قا(باقی صفحہ6بقیہ نمبر72)
ئم کرنے کا فیصلہ کیا گیا ہے۔ اسلام آباد میں وزیراعظم عمران خان کی زیر صدارت کامیاب جوان پروگرام سے متعلق جائزہ اجلاس ہوا ، جس میں معاون خصوصی عثمان ڈار، مشیر خزانہ حفیظ شیخ، گورنر اسٹیٹ بینک، مشیر تجارت عبدالرزاق داود، ملک بھر کے بینکوں کے صدور اور سربراہان نے شرکت کی۔ عثمان ڈار نے کامیاب جوان پروگرام کے تحت قرضوں کی فراہمی پر بریفنگ دی۔ وزیراعظم عمران خان نے پروگرام کی شفافیت اور طریقہ کار پر اظہار اطمینان کیا اور بینکوں کے سربراہان کی پروگرام میں بھرپور شمولیت اور دلچسپی کو سراہا، وزیراعظم نے معاشی ٹیم کو قرضوں کی بلا تعطل فراہمی یقینی بنانے کی ہدایت کی۔ اجلاس میں ڈپٹی گورنر اسٹیٹ بینک کی زیر صدارت اعلی سطح کی اسٹیرنگ کمیٹی قائم کرنے کا فیصلہ کیا گیا۔ وزیراعظم نے کہا کہ نوجوان ہمارے ملک کا بیش قیمت اثاثہ ہیں، اس اثاثے کی صلاحیتیوں کو استعمال میں لانے کیلئے بینکوں کا تعاون نہایت اہم ہے، نوجوان ملکی معیشت کے فروغ میں بہترین کردار ادا کر سکتے ہیں، تعمیراتی شعبے، صنعتوں کا فروغ اور انفارمیشن ٹیکنالوجی میں معاونت حکومت کی ترجیح ہے، حکومت کو اس ضمن میں بینکوں کا بھرپور تعاون درکار ہے، نوجوانوں کو کاروبار کے مواقع فراہم کرنے کے حوالے سے بینکوں کا تعاون قابل تحسین ہے، قرض کی فراہمی کیلئے بینکوں کو سبسڈی کی بروقت فراہمی کو یقینی بنایا جائے، بینکوں کو پیش آنے والی ہر مشکل کا ترجیحی بنیادوں پر حل یقینی بنایا جائے گا۔
پروگرام

شیئر کریں

Top