نیب کی خورشید شاہ اور سردار مہتاب کیخلاف انکوائری کی منظوری

  • IMG-20190731-WA0202.jpg
  • 1762619-khursheedshah-1564572403.jpg

اسلام آباد: قومی احتساب بیورو(نیب) نے پیپلزپارٹی کے رہنما خورشید شاہ اور مسلم لیگ(ن) کے رہنما سردار مہتاب سمیت دیگر کے خلاف 9 انکوائریوں کی منظوری دے دی۔

چیئرمین نیب جسٹس(ر) جاوید اقبال کی زیر صدارت نیب ایگزیکٹو بورڈ اجلاس میں اہم فیصلے کیے گئے، نیب اعلامیہ کے مطابق خورشیدشاہ، سردار مہتاب،خالد شیر دل سمیت دیگر کے خلا ف 9 انکوائریوں کی منظوری دے دی گئی۔img-20190731-wa0202

اجلاس میں سابق ایکسئن ٹیسکو پشاور اکرام اللہ شاہ کے خلاف بدعنوانی کا ریفرنس دائر کرنے اور اوجی ڈی سی ایل، نجکاری کمیشن، گلیات ڈویلپمنٹ اتھارٹی حکام و دیگر کے خلاف تحقیقات کی منظوری دی گئی۔

اعلامیہ میں بتایا گیا ہے کہ شعبہ مالیات خیبرپختونخوا کے خلاف انکوائری چیف سیکرٹری کو بھیجوا دی گئی ہے جب کہ تنویرالحسن گیلانی،افتخار گیلانی، اکبرشاہ رشیدی، شاہد محبوب و دیگر کے خلاف انکوائریاں بند کرنے کی منظوری دی گئی۔ اجلاس میں چیئرمین نیب کا کہنا تھا کہ  نیب کامقصد کرپشن فری پاکستان ہے۔

Comments

comments