وزیراعظم نے سیالکوٹ ائیرپورٹ سے نئی ائیرلائن چلانے کی منظوری دیدی

  • PMCh-Shujaat.jpg

L وزیراعظم عمران خان نے سیالکوٹ ائیرپورٹ سے نئی ائیرلائین چلانے کی منظوری دے دی۔یہ فیصلہ ائیرلائین کے چیئرمین فضل جیلانی اور معاون خصوصی برائے یوتھ افیئرعثمان ڈارکی وزیراعظم سے ملاقات کے بعد ہوا۔ وفاقی وزیر برائے سول ایوی ایشن میاں محمد سومرو بھی ملاقات میں موجود تھے۔ سیال ائیرلائن سیالکوٹ کی تاجر برادری کے تعاون سے شروع ہو گی۔ تاجر برادری نے ائیرلائن سروس کے آغاز میں حکومتی معاونت فراہم کرنے پر وزیراعظم کا شکریہ ادا کیا۔ملاقات میں وزیراعظم نے کہا کہ تاجر برداری کا ائیرلائن سروس کے آغاز کا فیصلہ خوش آئند ہے، ائیرلائین کے آغاز سے خطے میں روزگار اور کاروباری سرگرمیاں بڑھیں گی۔وزیراعظم کا مزید کہنا تھا کہ سیالکوٹ سرمایہ کاری کا اہم مرکز بن رہا ہے اور حکومت مزید سہولتیں فراہم کریں گی۔فضل جیلانی کے مطابق ائیرلائین آئندہ برس آپریشنل ہو جائے گی جبکہ میاں محمد سومرو نے کہا کہ نئی ائیرلائین کا فضائی آپریشن ایوی ایشن کے لیے خوش آئند ہے

Comments

comments